فضفضة

لما قرأت موضوع العيش وسنينه فكرت في ارتفاع الاسعار المتزايد باستمرار وبدون انقطاع وحال الناس اليومين دول ولقيت ان كل يوم يفوت في حياة اي مواطن يعني تجدد الهموم وزيادتها،لانه عارف ان الاسعار بترتفع يوميا والكارثة ان الاشياء اللي اسعارها بتترفع من الحاجات الاساسية (الاولية)اللازمة للعيش اما الاشياء اللي كل يوم بتنزل اسعارها فهي الكماليات اللي مبيشتريهاش الا الناس (الهاي كلاس) زي الكمبيوتر واكسسواراته واجهزة الموبايل اللي الاسواق اشتكت منها وطبعا مفيش موظف مطحون فاضي يتابع الحاجات دي وميهموش تغلي ولا ترخص المهم يعيش ويربي ولاده.

طبعا كلنا عارفين الحاجات دي لكن انا ملاحظ بقالي فترة ان الناس مبتتكلمش في اي حاجة الا ارتفاع الاسعار اللي بقت (ناااااااار) وده طبعا تسمعه من الناس في الميكروباص والمقاهي والاتوبيسات وطابور العيش اللي طوله زي طول القطار وطبعا علي ما يخلص يكون الناس اتكلموا في امور حياتهم من يوم ما اتولدوا لحد اللحظة اللي واقفين فيها,في كل الاماكن دي تلاقي الناس بيتكلموا في نفس الموضوع ،تلاقي اتنين بيكلموا بعض عن زجاجة الزيت اللي بقت بـــ 10.5 واللي كانت من قريب بــــ 3 ،وتلاقي واحد بيقول للتاني ان الدقيق بيتباع في السوق السوده وده اللي رفع سعره

الناس مبيبطلوش كلام. انا عارف اني طولت عليكم بس اهو دي فضفضة بقي

شكرا مستر حسام على هذه المساهمة المعبرة عن انين الغلابة

على فكرة انا عملت شات على الموقع الرابط موجود اعلى يمين الصفحة الرئيسية